𝗛𝗜𝗡𝗗𝗜 𝗧𝗔𝗬𝗢 𝗧𝗨𝗚𝗠𝗔

Ang pag-ibig ay parang tula
Kung di mag tugma ay gawing malaya
Sa bawat pag sulat ng mga salita
Kasaba'y nito'y pag-patak ng aking mga luha
Sarili ay ihanda sa pag-lipat ng susunod na pahina
Bubuksan ang bagong kabanata
Hirap man makaahon sa mga alon ng kahapon
Hamon na mismong panahon ang di sumang-ayon
Hiling ko sana'y isa pang pagkakataon
Isasayaw kang muli sa bawat patak ng ambon
Habang pinagmamasdan ang ngiti mong mahinahon
Masakit man itong sabihin
Sa sinukuang pag-ibig ako ay nag pa alipin
Panalangin ko sana'y dinggin
Balang araw nawa'y bumalik ka sa'kin
Maubusan man ng tinta ang aking panulat
Sinta, sayo'y mananatili paring tapat
Sana'y iyong mabasa ang aking munting piyesa
Nawa'y maipag patuloy natin ang kwento nating dalawa
Alam 'kong malabo na pero patuloy akong umaasa
Na mismong tadhana ang mag pasya
Ikaw at ako ay para sa isa't isa