kung hindi na ako
sabihin mo
dahil kung totoo
ngang ‘di na talaga ako
maiintindihan ko
ngunit wag mo naman
akong biglang iwan
kapag dumating yung
puntong nais mo ng
lumisan
dahil mahirap tanggapin
ang ganoong sitwasyon
hindi ko na alam kung
sarili ko pa‘y maiaahon
ngunit sabi nga ng iba
hindi pa rin sasapat ang
pagmamahal para lamang
piliin ka
ngunit sana
wag ka bumasta-basta
yung tipong mawawala
na lang ng bigla
yung tipong magbibigay
ka na lang ng dahilan
para ako na‘y kumawala
hiling ko lang
na ‘wag ka magbigay
ng dahilan
para hulaan ko kung
ano ang ibig sabihin non
sabihin mo ng direktahan
‘wag ka mag-alinlangan
kung ako ba‘y masasaktan
dahil mahirap umiyak
sa mga dahilang hindi sigurado
kaya kahit masaktan ako
naisin mo sanang maging totoo
sana wag mo akong
biglang iwan
sana wag ka munang
bumitaw nang hindi pa
natin natutuldukan
para man lang kahit
patapos o tapos na
ang tayo ay mayroon
akong dahilan
para tanggapin ang lahat
dahil nag-paalam kana
para may dahilan rin ako
na mag-paalam na
sa madaling salita
kung sa puntong nais mo
ng lumisan at kumawala
ay sana sabihin mo na
dahil maiintindihan
naman kita.
